Ибрай ауыл модель китапханаһында Башҡортостандың халыҡ яҙыусыһы, Салауат Юлаев исемендәге Дәүләт премияһы лауреаты Зәйнәб Абдулла ҡыҙы Биишеваға арналған “Тормошо уның ҡайнар усаҡ кеүек” әҙәби кисә үтте.
Зәйнәб Биишева-ысын- ысындан халыҡ араһынан сыҡҡан яҙыусы.Китапханала әҙибәнең тормош юлын һәм ижадын сағылдырған китаптарҙан күргәҙмә әҙерләнде. Әҙәби кисәлә Зәйнәб Биишеваның әҫәрҙәре беҙҙе хеҙмәткә, хеҙмәт кешеһенә ихтирамлы булырға өйрәтеүен,тормош ысынбарлығын уҡыусыларға тапҡыр ҙа, дөрөҫ тә итеп еткерә беләүен иҫкә төшөрөлдө. Балаларға “Дуҫ булайыҡ”һәм ” Һөнәрсе менән өйрәнсек” хикәйәләренән һорауҙар бирелде, дуҫлыҡ тураһында мәҡәлдәр төҙөлдө.Балалар үҙҙәре “Башҡорт теле”, “Башҡортостан” шиғырын уҡып ишеттерҙеләр.