3 декабрь көнө, йәмғиәтебеҙгә, һаулыҡ мөмкинлектәре сикләнгәндәргә иғтибар биреү, уларҙы социаль яҡлау кәрәклеге хаҡында тағы бер тапҡыр иҫкәртә. Ысынлап та, был көндәрҙә уларға, иғтибар арта.
Ибрай ауыл модель китапханаһының әйҙәүсе китапханасыһы булараҡ, өлкән йәштәге китап һөйөүселәрем өсөн “Күңел йылыһы”исемле мәрхәмәтлелек акцияһы үткәрҙем. Мөмкинлектәре сикләнгән ағай –апайҙарҙың өйҙәренә барып гәзит-журналдар, яңы килгән әҙәби китаптар менән таныштырҙым. Иң өлкән китап уҡыусым,Уйылданова Йәмиғә Әюп ҡыҙы, ҡартлығыңда асык зиһенле булыу сере -китап уҡыуҙа ,ғалимдәр әйтеүенсә баш мейеһен һәр ваҡыт эшләтеп тороу зарур тип өйрәтәм ейәнсәрем Кәмиләгә, -ти . Улар менән күңел йылыһын биреп һөйләшеп , ниндәй ярҙам кәрәклеген һорашып һәм яҡынлашып килгән байрам менән ҡотлап күстәнәстәр тапшырҙым. Өлкән быуын китап уҡыусыларымды шатландырып, уларҙан рәхмәт һүҙҙәре ишетеү- үҙе ҙур бәхет.
