#Трезвоесело #Айыҡауыл
#Новосепяшево #Альшеевскийрайон
#Ибраевскаясельскаямодельнаябиблиотека
13 ғинуарҙа Яңы Сәпәш ауылынының Үҙәк урамындағы майҙансыҡта халыҡтың ялын күңелле үткәреү, сәләмәт тормош алып барыуҙы пропагандалау,шулай уҡ йомшаҡ ,йылы, уңайлы аяҡ кейеменә мәдхиә йырлау маҡсатында «Эх, быймаһы ла,быймаһы !» тип аталған байрам сараһы үткәрелде. Ауылда берҙән-бер быйма баҫыусы хеҙмәт ветераны Сафуан Ғирфан улы Вилдановтың быйма баҫыу өсөн ҡалыптары һәм эш ҡоралдары күргәҙмәлә урын алды.
Яңы Сәпәш күп функциялы ауыл клубының “Күгиҙел ”фольклор төркөмө башҡарыуындағы таҡмаҡтар , Ғайсар ағай Уразгуловтың гармунда дәртле уйнауы күптәрҙең күңеленә хуш килде. Быйма тураһында шиғыр,таҡмаҡ,төрлө мәҙәк хәлдәр ҙә яңғыраны байрамда.Дәртле бейеп,етеҙлек талап иткән быймалы уйындарҙа ла ихлас ҡатнашты сәпәштәр. Күнелле байрам тәмлекәстәр ҡушып, эҫе сәй эсеү менән тамамаланды.
