Әкиәт “Йондоҙ”

Борон -борон заманда йәшәгән ти, бабай менән әбей. Икәүҙән икәү генә көн күргәндә , бер көн бабай баҙарға киткән. Баҙарҙа бер атты бик ныҡ маҡтап һатып торғандар икән.Бабай шатланып утынға йөрөргә миңә бик һәйбәт булыр тип атты һатып алырға була. Әбей бабайҙы ҡыуанып ҡаршы алған һәм үҙеңә иптәш булыр , тигән. Бабай атына Йондоҙ тип исем ҡушҡан. Ә Йондоҙ ябай ат булмаған. Берҙән бер көн бабай атына үҙенең яланды күрһәтеп алып ҡайтыуын әйткән. Ә Йондоҙ шатланып хужаһы менән кеше телендә һөйләшә
башлаған. Бабай шатлығынан әбейен алып сыҡҡан һәм үҙҙәренең аты ябай түгеллеген әйткән. Йондоҙ дөрөҫ икәнлеген иҫбатлап баш ҡаҡҡан. Йондоҙ бабайға тоғро хеҙмәт иткән. Бесән, утын ташыған. Йондоҙ бабайҙың эте Муйнаҡ менән дуҫлашҡан. Ат яланда үлән ашап йөрөгәндә, бер бүре килеп сығып ташланған. Муйнаҡ Йондоҙҙоң кешнәгәнен ишетеп бүрене ҡыуып ебәргән. Шунан бирле Муйнаҡ уны бүреләрҙән һаҡлар булған.