Илдә барған хәл-ваҡиғалар бер кемде лә битараф ҡалдырманы, ябай халыҡ, етәкселәр, эшҡыуарҙар – барыһы ла берҙәмләшеп, мобилизацияланған ир-егеттәргә ярҙам ҡулы һуҙа.
Яңы Сәпәш ауылы халҡы ла, ауыл клубына берҙәм йыйылып, өлөшләтә мобилизация буйынса хеҙмәт иткән ир-егеттәргә гуманитар ярҙам йыйыу ойошторҙо. Яугирҙарыбыҙ өсөн йөндән йылы һәм термаль ойоҡбаштар, бирсәткәләр, башлыҡтар, шәхси гигиена саралары, көнкүрештә кәрәкле башҡа нимәләр йыйҙы. Был әһәмиәтле акцияға урында йәшәүселәр әүҙем ҡушылды. Акцияға ҡатнашыусылар өсөн, мобилизацияланған яҡташтарыбыҙға ҡулдарынан килгәнсә ярҙам итеү, бүләктәре менән бергә тыуған яҡтың йылыһын да тапшырыу ниәтендә, уларға кәрәкле әйберҙәр йыйыуҙы дауам итәбеҙ.
.